ದಾಸರ ನಿಂದಿಸಬೇಡ ಮನುಜ

-ಶ್ರೀ ಪುರಂದರದಾಸರು

ದಾಸರ ನಿಂದಿಸಬೇಡ ಮನುಜ |
ಹರಿ | ದಾಸರ ನಿಂದಿಸಬೇಡ || ಪ ||

ರಾಮನ ನಿಂದಿಸಿ ರಾವಣ ಕೆಟ್ಟ |
ವಿಭೀಷಣಗಾಯಿತು ಪಟ್ಟ ||

ಭೂಮಿಯ ಲೋಭದಿ ಕೌರವ ಕೆಟ್ಟ |
ಧರ್ಮಗೆ ರಾಜ್ಯವ ಬಿಟ್ಟ || ೧ ||

ಉಡಿಯಲ್ಲಿ ಕೆಂಡವ ಕಟ್ಟಿಕೊಂಡರೆ |
ಸುಡದಲೆ ಬಿಡುವುದೇನಣ್ಣ ||

ಪೊಡವಿಯ ಜನರಿಗೆ ಬಡತನ ಬಂದರೆ |
ಬಿರುನುಡಿ ಆಡದಿರಣ್ಣ || ೨ ||

ದೇವಕಿ ಸೆರೆಯನು ಬಿಡಿಸಿದ ದಾಸರು |
ನರರೇನೈ ಈ ಜಗದೊಳು ||

ಭಾವಜನಯ್ಯನ ಭಕುತರ ಸೇವಿಸೆ |
ಪಾವನ ಮಾಡುವ ಪುರಂದರವಿಠಲ || ೩ ||

Download – Kannada

Leave a Reply

Your email address will not be published.